IY$I&%#%&/)

JHY&BGI%G%RBIY%$C&$%I/UYE!"#$%&/IJHGFE%32#Y%$$FV T 6c/&%$IBNLN'Y &TIUYGB&#"$RDHTE#$RHGVFU#$RFVJHVF#D$#FN JR&#C%Vt7!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


Langaði bara að deila með ykkur frustrasjón minni yfir þessum fáu dögum sem ég þarf að þrauka fram að langþráðu jólafríi...... Sjáumst eftir nokkra daga samt ;-)

Hress !!

Það er ótrúlegt hvað maður lærir að kunna að meta hluti sem manni áður fannst sjálfsagt. Við Helga erum alltaf að komast að þessu. Til dæmis í gær þá fór um mig sú unaðslega tilfinning að finna ekki til. Er semsagt búin að vera veik í viku með óþarflega miklum þjáningum en eftir LANGA bið hjá lækni tókst mér að útskýra vandamál mitt á þýsku og næla mér í eitt stykki pensilín skammt. Stundum er bara ekkert annað í stöðunni.

En núna er ég allavega hress og kann vel að meta verkjalyfsleysið og sellóið mitt.

Boginn minn fór í hárun í gær bogasmiði, kostaði sitt, en vá hvað hann er fínn. Gaurinn var líka geðveikt pró. Er með margar gerðir af hárum sem maður gat valið á milli. Svo hefur hann sko þrifið bogann hátt og lágt, örugglega olíuborið hann eða eitthvað þí hann sjænar þvílíkt. Svo þegar ég kom að sækja hann í dag bauðst hann til að setja myrru í hann og smyrja hann. Ég þáði það og gaurinn eyddi alveg svona fimm mínútum í að smyrja skrúfuna með einhverju vaxi, blandaði svo eitthvað myrruduft og dundaði sér við að bera það í með mikilli einbeitingu. Þetta vara bara kúl sko. Og boginn einsog nýr :D

Og þar sem ég er ekki með annan boga í Berlín gat ég ekkert æft mig eftir hádegi í gær og neyddist til að jólagjafasjoppa fram á kvöld. Eða þar til Gunnhildur og Kristjana buðu okkur í mat og video...Góður dagur.

Frumraun Berlínarsellistans

þann 15.janúar næstkomandi mun Guðný Jónasdóttir þreyta frumraun sína á sviði Berlínar Fílharmóníuhússins við Herbert von Karajan strasse.

Reyndar er þetta ekki eins spennandi og það hljómar en samt. Er semsagt að fara að spila með risasellósveit. 200 sellistar, pró og nemendur, samankomnir að spila Wagner og Händel útsetningar. En hver veit kannksi verður þetta æði. Allavega gaman að fá að vera með. Fullt af sellistum, það getur varla orðið leiðinlegt ;)

Er að mygla í veikindum mínum annars...ullabjakk

lasarös

Mér tókst að næla mér í pest!!

Er búin að vera mjög dugleg í dag að sinna henni samt. Halda mér inni í hlýjunni, drekka engiferte og borða c-vítamín ríka ávexti og svona.

Er reyndar að baka jólasmákökur núna en það má alveg...

1. des

Ég elska fyrsta desember því þá getur maður verið jólafrík án þess að skammast sín. Við sambýliskonurnar sitjum núna á gólfinu með jólatónleika sinfóníuhljómsveit Íslands í bakgrunni og föndrum jólaskraut af mikilli list. Erum komnar með æðislegan aðventukrans, tiltölulega frumlegt heimatilbúið pakkadagatal, "jólatré" (greinar í glasi) með slaufu og músastiga. Svo langar mig til að þakka henni ásdísi systir minni alveg sérstaklega fyrir allar fallegu jólamyndirnar sem hún sendi Helgu í fyrra, þær koma sér vel núna, einstaklega fallegar.

Við erum allavega með hjörtun full af jólum. Reyndar virðist nefið vera að fyllast af hori líka en það er önnur saga.

Köben

Er komin í hlýjan faðm Kristjáns míns og Köbens :D :D

Gleði :-)

Massahelgi

Jæja þessi helgi verður tekin með trompi. Hljómsveitartónleikar í kvöld, brjálað prógram. Afmælispartý aldarinnarhjá Mattíasi og Helgu annað kvöld, sushi og alles. Svo er bara jólaskrautið upp á laugardag, því það er þokkalega fyrsti í aðventu á sunnudaginn og það þarf allt að vera tilbúið því mín ætlar í stutta ferð til Kóngsins Kaupmannahafnar á sunnudaginn. Það verður ÆÐI :-D

Svo skulum við ekki gleyma að maður þarf að æfa sig á miljón og mæta í kammer klukkan NÍU á sunnudagsmorgunn:-D Svona er gaman að vera til.

FLUGFÉLÖG...URR!

ARG ég hata flugfélög. Það er enginn sem hata flugfélög jafn mikið og ég. Er alveg að tapa mér hérna. Þarf að fara þrisvar til Íslands um frá jólum og fram í febrúar og það eru bara vesen. Annað hvort þarf ég að borga milljón, fljúga með flugfélagi sem hefur svikið mig illilega og ég stend í e-mail rifrildi við og er búin að hóta að ALDREI fljúga með aftur eða bara vera í tvo daga hvora leið!!!!!

Hvað segiði, hvaða möguleiki ætli sé bestur?????

Á frekar erfitt með skapið í þessum málefnum. Ekki jafn erfitt með það samt og hochschuledirigent Lutz Köhler þegar t.d. einhver AUMINGI gerir ekki mun á tvíólu og dúólu upptakti...En þannig er það nú bara. Tónleikar á fimmtudaginn, geðvonskan í botn á miðvikudag, þá smellur þetta örugglega saman...ÚFF

Snjór

Það er KALT í Berlín og í dag snjóaði. Það var æði samt, þá borgar kuldinn sig. En það verður samt alveg fáránlega kalt hérna, svo rakt að það nístir alveg inn að beini. Maður er ekki svo mikill víkingur after all. Labbaði einmitt í lestina í dag með nýja Debussy sónötu meðleikara mínum, sem er alveg hardcore Norsari (líka skiptinemi).

Ég: sokkabuxur, gallabuxur, ullasokkar, stígvél, síðermapeysa, ullarpeysa, úlpa með loðhettu, ullarvetlingar.
Hann: Stuttermabolur og síðerma bómullarbolur, gallabuxur og strigaskór.

Ég svona spurði í kurteisisskyni hvort að hann væri ekki AÐ DEYJA úr kulda? Han svaraði því með að spurja hvort ég væri ekki örugglega íslensk...Kom svo í ljós að hann er víst frá stað í Noregi þar sem er 30-40 stiga frost á veturna. Ég er samt bara kuldaskræfa og viðurkenni það alveg.

En jæja planið er víst að kíkja á einhvern bar þar sem maður borgar bara það sem maður vill fyrir drykkina sína....Gaman gaman. Hentugt fyrir námsmenn :-)

Bis später...

JÓL !!!

Ég elska jólin örugglega heitar en nokkuð annað barn í heiminum, og já þegar það kemur að jólunum þá er ég barn. Og það besta er að ÞAU ERU AÐ KOMA. Eftir reyndar sex vikur eða svo. En samt undirbúningur að byrja og svona. Ég og Helga fórum allavega í smá leiðangur áðan að kaupa í allt föndrið og svona. Ætlum að búa til aðventukrans auðvitað og svo er verið að plana alvöru pakkadagatal líka. Hef mjög spes skoðnir um hvernig það á að vera svo ég veit að ég þarf líklegast að gera það sjálf, því búðirnar virðast ekki vera sammála mér um hönnun á svoleiðis grip. En ég er ekkert sérlega handlaginn samt og hef einungis tvær vikur til að ráða fram úr þessu vandámáli...því svo má það heldur ekki kosta of mikið.

Er sko með jólin á heilanum. Ætla ekki að sýna þá geðveiki meira í þessu bloggi. Er bara að reyna að drekka te til að ná mér aðeins niður eftir daginn. Á eitthvað erfitt með kyrrsetu þessa stundinda og komið að háttatíma svo :-/ Hef þetta ekki lengra að sinni.

Lífið í Berlín

Jæja svona smá updeit á lífið mitt fyrir þá sem ekki fylgjast með. Núna semsagt er ég skiptinemi í hinni stóru og merkilegu menningarborg Berlín. Þar er lífið náttlega bara fullkomið, svona næstum því allavega. Fullt að gera og kröfurnar á sama stað og standardinn, semsagt í hámarki. Ég bý á Wiesenstrasse í rosa sætri en soldið stórri íbúð með henni Helgsu minni. Soldið krípí hverfi svona inná milli en annars bara ljúft. Ég ætla að koma heim um jólin og hafa það óendanlega gott í faðmi vina og fjölskyldu og svo verð ég nú meira og minna á klakanum á vorönn en er að vinna í samt að flytja hingað alveg við fyrsta tækifæri.

Eg er í sellótímum hjá kennara sem heitir Markus Nyikos. Hann er frábær og mjög reyndur kall og við virðumst ná vel saman. EN GUÐ hvað ég er eftir að læra mikið. Svo er ég í Hochschuleorchester þar sem virðist erfitt að velja viðráðanleg prógrömm og stjórnandinn ekki með neitt rosalega fallegar hugsanir og virðist hafa lært á annað hljóðfæri en taktmæli á tónlistarferli sínum. Síðan er ég í bestu tímum í heimi hjá honum Heime Müller, fiðluleikara úr Artemis kvartettinum. Hann pikkar í hverju EINUSTU nótu sem kvartettinn okkar spilar og gerir það vel. Við allavega erum allavega alltaf bara svífandi af inspirasjón eftir tímana og æfum og æfum við öll möguleg tækifæri.

En lífið gengur allavega vel þrátt fyrir þó nokkra pressu sem ég leysi út með friends, poppi og stöku ódýru rauðvínsglasi. Jæja verð með meiri krassandi fréttir seinna....Bis bald

Betra seint en aldrei

Vei það tókst. Ég hafði mig útí að búa til blogg. Eða reyndar að sagt Helga gerði það. Er bara ekki svo hrifin af tölvum, þær virðast bara einfaldlega ekki hlýða mér. Mér hefur líka ekki fundist ástæða til að byrja á að segja frá lífi mínu eftir að Helga fór að blogga aftur því að það virðist sem að við gerum ALLT saman. En úff allt þetta tölvustúss til að koma þessari síðu á netið bara tók frá mér alla orku og nú hef ég ekkert að segja. Gaman að því. En ég ætla heldur ekki að láta neinn vita af þessari síðu þar til ég hef eitthvað aðeins meira spennandi að segja. Það verður vonandi á morgunn....